O Proxecto Documental Integrado deste curso leva por título EmocionArte, e gustaríanos
que formásedes parte desta nova e apaixonante aventura creativa.
Queremos convidarvos a participar nos obradoiros de arte para familias que realizaremos na biblioteca do colexio.
Todas as expresións artísticas teñen cabida: música, pintura, ilustración, literatura, olería, danza, teatro, fotografía… ou calquera outra forma de creación que vos apaixoe.
As sesións desenvolveranse con alumnado acompañado dun familiar, en grupos reducidos e con inscrición previa por orde de solicitude.
No caso de haber máis peticións ca prazas dispoñibles, priorizaranse aquelas familias que aínda non participasen noutros obradoiros.
Se tedes ganas de compartir o que sabedes, o que sentides ou o que vos emociona a través da arte, animádevos a propoñer un obradoiro unha tarde no noso —e tamén voso— cole.
Non é necesario ser profesionais: o que realmente buscamos é a vosa ilusión, creatividade e vontade de compartir.
Co apoio da ANPA e do equipo docente, poñeremos todos os medios necesarios para que poidades levar a cabo as vosas propostas nas mellores condicións.
Podedes enviar a vosa idea cubrindo o seguinte formulario:
👉 Quero levar a cabo un obradoiro de arte para familias
Moitas grazas, unha vez máis, pola vosa colaboración e entusiasmo.
0 Comentarios