Para conmemorar o día do nacemento de Rosalía creamos para vós varios obradoiros que desexamos atopedes atractivos, así como un vídeo co alumnado de 3º e 4º de infantil traballando en educación musical o poema "O moucho", da escritora homenaxeada.
Grafiti
Colaboramos co Equipo de Patios do cole nos obradoiros de grafiti en torno á figura da autora.
Colaxe
Utilizando materiais diversos crearemos un retrato de Rosalía ao noso gusto. Durante os recreos poderemos ir á biblioteca e deseñar!
Escornabot
Igual que o pasado ano achegarémonos á obra de Rosalía por medio dos escornabot e do rato. Achegade a tablet ao código QR para escoitar o poema Adiós ríos, adiós fontes, a continuación, teredes que programar o robot para ordenar os seus versos.
Educación Musical
Para conmemorar o Día de Rosalía de Castro en Educación Musical, o alumnado de 3º e 4º de infantil traballou o poema "O moucho", coa música de Migallas, a través de xestos, ritmos en movemento e memorización cantada do fragmento, así como a participación nas distintas actividades organizadas polo centro. Agardamos que vos guste!!
0 Comentarios