24 de febreiro. Día de Rosalía de Castro

 O 24 de febreiro recóllese no calendario do Libro e da Lectura como o Día de Rosalía De Castro, poeta de referencia da nosa literatura.

Facémonos eco das propostas que neste eido xurden para achegar ás nenas e nenos a figura da autora.

A Asociación de Escritoras e Escritores en Lingua Galega (AELG), dende 2010 propón que se agasalle con libro en galego e unha flor ás amizades e persoas queridas. Podes ver o seu manifesto, redactado por Anna R. Figueirido, premendo no seu cartaz deste ano. #osTeusDocesCantares

Dende as bibliotecas do Concello de Oleiros invítannos a un contacontos audiovisual da man de Soledad Felloza, "Un bico, un cantar", que será o mércores, 24 de febreiro ás 18:30 horas. Máis información no cartaz. #bibliotecasegura #culturasegura

Suxestións de Radioleiros: Rosalía Pequeniña, libro CD de Uxía Senlle, con arranxos de Sergio Tannus e ilustracions de Marina Seoane.

Por medio do blog do Equipo de Dinamización da Lingua Galega do cole podedes acceder aos recursos elaborados por un grupo de mestras e mestres pertencentes a diferentes EDLG en torno á figura de Rosalía. Premede a continuación para velos.

Nas seguintes ligazóns podedes gozar de obras musicais en torno á figura e poemario de Rosalía De Castro.

Rosalía Pequeniña. Uxía.

Adiós ríos, adiós fontes. Versión pictografiada polo CEIP Anxo da Garda. Comparte Aulas Galegas

Adiós ríos, adiós fontes. Amancio Prada.

Adiós ríos, adiós fontes. Lucía Pérez.

Negra sombra. Luz Casal e Carlos Núñez.

Airiños, airiños, aires. Amancio Prado e as panderetearas de Baio.